extra.ge
ფილმის მიმოხილვა:

დასახელება : garujva xelovnurad / გარუჯვა ხელოვნურად

აღწერა : ხელოვნურად გარუჯვის უსაფრთხო მეთოდები და წესები

დღესდღეობით ავტოგარუჯვის საშუალებების ფართო არჩევანია. მათი სწორად წასმისას, როგორც წესი, პრობლემები არ წარმოიქნება.

თუმცა გაითვალისწინეთ რამდენიმე რჩევა პირველი გამოყენების წინ:

ავტოგარუჯვამდე გაიკეთეთ დეპილაცია და პილინგი ან მიიღეთ შხაპი ამქერცლავი საშუალებების გამოყენებით.

კანი კარგად გაიმშრალეთ პირსახოცით.

სახეზე ავტორუჯის წასმა შეგიძლიათ დღის კრემის ზემოდან. თუ იგი უკვე შეიცავს დამტენიანებელ საშუალებებს, გადაისვით სუფთა კანზე.

კრემი წაისვით მშრალ კანზე ძალიან თხელ ფენად და გულდასმით გადაინაწილეთ იგი მთელ სხეულზე მასაჟის მეშვეობით.

კრემი ჯერ წაისვით შუბლზე, ლოყებზე, ნიკაპზე და ცხვირზე, შემდეგ გადადით ყელზე, მკერდზე, მხრებსა და ხელებზე. კარგად წაისვით წარბებზე და თმის ძირებთან, ასევე არ დაივიწყოთ ქუთუთოები.

ყელზე, იდაყვსა და მუხლებზე ნაკლები ფენა გადაუსვით, რადგან სახსრების მოხრის ადგილებში გროვდება ზედმეტი კრემი, რაც ამ ადგილების მეტ სიმუქეს იწვევს.

ზურგზე კრემი სხვისი დახმარებით წაისვით.

კრემს დააცადეთ შეწოვა, ტანზე ჩაიცვით პროცედურიდან 20 წთ-ის შემდეგ.

ეფექტი გამოჩნდება 2-3 სთ-ის შემდეგ. თუ შედეგი მკრთალი იქნება, პროცედურა შეგიძლიათ გაიმეოროთ.

თუ მიღებული ფერი არ შეგეფერებათ, მიიღეთ რძიანი აბაზანა, ან ტანი დაიბანეთ სკრაბით.

შეგიძლიათ გამოიყენოთ ლიმონის წვენში ან წყალბადის ზეჟანგში დასველებული ბამბა.

• ყურადღებით წაიკითხეთ წარწერები შეფუთვაზე ;

• შეარჩიეთ ცნობილი მწარმოებლების ნაწარმი;

• გარუჯვის საშუალება ჯერ საცდელად მცირე უბანზე გადაისვით;

• გახურებულ კანზე ნამზეური უფრო მუქი გამოდის, ამიტომ პროცედურას აბაზანის მიღებისთანავე ნუ ჩაატარებთ;

• არ დაგავიწყდეთ ყურის ბიბილოებსა და თმის ძირებზე წასმა, რათა აფრიკული ნიღბის იერი არ გქონდეთ;

• ავტორუჯის ხშირი გამოყენება კანის სიმშრალეს იწვევს, ამიტომ პროცედურებს შორის უხვად წაისვით დამატენიანებელი საშუალებები

თანამედროვე ავტორუჯები შეიცავს აქტიურ ინგრედიენტს – დიჰიდროქსიაცეტონს, რომელიც სრულიად უსაფრთხოა კანისთვის, რადგან იცვლება კანის მხოლოდ ზედა ფენის ფერი.

ავტორუჯის ზემოქმედება კანზე დამოკიდებულია კანის ტიპზე. ყველა მათგანი შეიცავს სპირტს, რომელიც აშრობს კანს. რაც უფრო მკვეთრია ნამზეური, მით მეტად აშრობს ავტორუჯი კანს.

ავტორუჯის ხანგრძლივი გამოყენება რეკომენდებული არ არის.

ავტორუჯების უმრავლესობა არ შეცავს ულტრაისფერი გამოსხივებისგან დამცველ კომპონენტებს, ამიტომ ხელოვნური ნამზეურით მზეზე გასვლის წინ გამოიყენეთ მზისგან დამცავი საშუალებები.

Facebook Comments


Facebook Comment